العشناهو وحسيناهو، الفقدناهو، الإتعرضنا ليه، معاناتنا، مقاومتنا، وكل الإختبرناه من 15 أبريل ولغاية الليلة.
كل تجاربنا تحت وطئة الحرب هي تجارب إنسانية، مهم نوثقها ونحكيها. ليه؟ لأنو الجيش بيكتب بيانات، ومليشيا الدعم السريع بتكتب بيانات.. والحقيقة الوحيدة الراسخة هي معاناة السودانيات والسودانيين الحياتهمن وقفت وفقدو أحبابهمن وممتلكاتهمن والحياة المألوفة الكانو عايشنها.
حكاوينا هي الحقيقة دي! تعالوا نحكيها ونسجلها، لينا وللجايين وللتاريخ.
شاركوا قصصكمن مع الحرب من خلال منصتنا في كيوريس كات، بأسمائكمن أو بدونها، بالفصحى أو بالعامية.
وحنختار منها كتابات لقسم المدونات في موقعنا الإلكتروني: noonmovement.org
راسلونا هنا بالقصص الحابات وحابين تشاركوها:
